Polisi Iaith

Amcanion Cyffredinol

• Meithrin agwedd gadarnhaol tuag at y ddwy iaith.
  
• Datblygu gallu ieithyddol yn y ddwy iaith.
  
• Meithrin diddordeb mewn ffurfiau amrywiol o lenyddiaeth.
  
• Creu ymwybyddiaeth o werth yr etifeddiaeth Gymraeg.

Prif amcanion gweithgareddau'r Cyfnod Sylfaen fydd rhoi sylfaen gadarn Gymraeg i bob plentyn. Gan mai yn y cyfnod cynnar hwn y mae plentyn mwyaf parod i amsugno iaith, y mae'n bwysig creu amrywiaeth o brofiadau symbylus iddynt.

Ym mlwyddyn 1 a 2 adeiladir ar y sylfeini a osodwyd i'r Gymraeg, er mwyn galluogi'r plentyn i gyrraedd y nod o ddwyieithrwydd llawn maes o law;
cadarnhau a datblygu mamiaith y plentyn o ddysgwr Cymraeg ac ymestyn gafael y plant o gartref Cymraeg ar y Saesneg.

Yng Nghyfnod Allweddol 2 bydd cadarnhâd a datblygiad pellach o Gymraeg a Saesneg pob plentyn, er mwyn sicrhau ei fod yn gallu siarad, darllen ac ysgrifennu'n rhwydd a hyderus yn y ddwy iaith pan fydd yn trosglwyddo i'r ysgol Uwchradd.

Trefnir i hwyrddyfodiaid fynychu'r Ganolfan Iaith yn Ysgol Maesincla ble mae cyfleusterau ar gyfer cyflwyno cyrsiau dwys arbenigol i ddysgwyr. Bydd y dysgwyr yn trosglwyddo yn ôl i'r ysgol gynradd ymhen tymor.

Fel ysgol rydym yn dilyn canllawiau 'Siarter Iaith Gymraeg Ysgolion Cynradd Gwynedd' ac yn dilyn rhaglen weithredu'r cynllun sydd yn arwain at wobrau efydd, arian ac aur o ganlyniad disgwylir mai'r Gymraeg a ddefnyddir i sgwrsio'n anffurfiol yn y dosbarth ac ar y buarth, Gellir gweld copi o'r Polisïau Iaith drwy gysylltu gyda'r Pennaeth.